فاينال " الجزء الثاني "لــ رحاب إبراهيم حسن

 كسرة النفس وكسرة القلب خلوني وافقت يابني وعملت كدا فعلا...

يارب... يارب انت الي عالم بالي حصل. يارب انت الي عاالم انه مش بأيدي.... يارب سامحني يارب... يارب انا عملت كل حاجة غلط

 بس انت الغفور... انت الرحيم... يارب تجاوز عن سيئاتي...

ده كلام عم جمال الدرويش.. طول الوقت بيستغفر ربنا بصوت جهوري ملفت.. طول الوقت في المسجد يدعي ويصلي ودايما عمال يقرا قرآن بدون توقف لو بطل يقرا قرآن يبقى يا اما عشان يروح يصلي او ينام او يستغفر غير كدا المصحف في ايدو طول الوقت... الناس مشكورة بتعطف عليه في الي بيديلو اكل... الي بيديلو فلوس... الي بيديلو بطاطين لدرجة ان الناس جمعت مع بعض وعملتله بيت صغير جمب الجامع...

لحد لما انا روحتله...

قلتله:سلام عليكم ياعم جمال...

قالي: عليك السلام يابني خير انت مين...

رديت عليه:عم جمال بصراحة انا عايز اقعد اتكلم معاك شوية الهم باين في عنيك.. الحزن مالي ملامح وشك..

رد عليا بعصبيه:انت مالك انت عندي هم ولا معنديش..

قلتله:ياراجل يا طيب متتعصبش بس.. اهي العصبية دي بتوضح ان جواك بلاوي... مالك يا راجل يا طيب.

بدأ يعيط وقالي: الي حصل صعب يابني... صعب انه يتحكي وصعب انه يتصدق.

قلتله:يا راجل يا طيب احكي وانا معاك وبص ياعم هعملك دلوقتي كوباية شاي بالنعناع تظبطك...

قالي: ٣ معالق سكر ونص معلقة شاي...

قلتلو: اهو كدا الكلام يحلو عنيا ليك...

جبتله الشاي وقعدنا...

قلتلو:احكي ياعم جمال..

***********

انا اولا يابني كنت شغال في محطة مصر بتاعت القطر... كنت شغال مراقب جودة والحمد لله الحال ماشي.. المهم في مرة كنت راكب القطر المكيف فا بتمشى فيه من اوله لاخره عشان اعرف هل مثلا ناقصه حاجة شباك مثلا مكسور..... وانا في اخر القطر خالص سمعت حاجة زي ما تكون ان ست بتتوجع او حد بيتألم روحت ع المكان الي طالع منه الصوت لاقيت مفاجأة صادمة ولد وبنت في وضع مخل جدا.... بسرعة البنت بدات تلبس هدومها والولد هجم عليا يضربني بس انا مسكتو كويس ومشيت بيه ع اول القطر وماسك البنت في ايدي اول ما الكمسري شافني في اللحظة دي لاقيت الولد طلع موبايل وكلم حد وادى التلفون للكمسري الي لاقيت وشه اتقلب..

قالي سيب الولد والبنت...

قلتله لا طبعا النجاسة دي لازم تكون اخرتها الحبس...

المهم كان القطر وصل المحطة لاقيت ناس كتير دخلت وفي وسطهم ظابط...

قالي انت متهم انك اغتصبت البنت دي وتعالى معايا ع القسم وهناك. 

 البت اعترفت عليا اني اغتصبها تحت تهديد سلاح آلي!!!!!

الي هو انا اساسا بخاف امسك سكينة...

وجاب شهود زور ولبسني القضية فضلت اتحايل عليه وبوست ايده... لحد ما لاقيت الولد الي طلع ابنه بيقولي انا هخلي البنت تتنازل عن القضية بس بشرط... قلتلو بلهفة شرط ايه انا هعمل اي حاجة..

قالي تنزل توطي تبوس رجلي!!!!!

كسرة النفس وكسرة القلب خلوني وافقت يابني وعملت كدا فعلا...

(كليك)...

الصورة دي بقا هتبقى جميلة جدا في اوضتي...

وانا بوطي ابوس رجل ابن الاكابر صورني...

كمية ذل واهانة وكسرة نفس انا حسيت بيها في الوقت ده... وللاسف الشغل عندي عرفت حتة اني اتعلمي محضر وطلعوني معاش مبكر!!!!!

ده الحالة مش ماشية وانا بشتغل اومال لما اطلع من الشغل الحالة هتكون عاملة ازاي ده المعاش مش مكمل ١٠٠٠ج...

رجعت البيت طبعا مقولتش ع حوار المحضر ولا حتى اني طلعت معاش...

انا عندي بنت اسمها ورد دي ع وش جواز وعندي احمد ده اصغر من ورد ب ٤ سنين...

راجع بفكر هجهز البنت منين والواد ده مش هييجي عليه يوم يقولي انا حاطط عيني ع بنت عايز اتجوزها والدهب دلوقتي بقا شئ وشويات...

اول ما دخلت البيت لاقيت بنتي بتقولي: خطيبي قالي ان احنا الي هنجيب فرش البيت وهو الي عليه الاوض...

قالتلي: هتكون جاهز بالفلوس امتى؟!

قلتلها:ان شاء الله خير...

قعدت ع السرير بفكر يا ترى هستلف من مين وانا اصلا مقطوع من شجرة مين هيرضى يسلفني ويا ترى هستلف المبلغ كله من شخص واحد بس ويا ترى هستلف كام....

اسئلة كتير جوا دماغي ولاقيت مراتي داخلة عليا بتقولي هات فلوس نجيب اكل...

قلتلها معيش فلوس..

قالتلي يعني كمان معكش فلوس نجيب طفح انا هروح لام احمد يمكن تديني طبق ملوخية ولا حتة فراخ.... 

يومين عدو وقولتلهم انا هروح شغل لمدة أسبوعين وهجلكو وكل حاجة هتتحل.. 

عدو الاسبوعين... 

وجتلهم تاني اول ما شافوني لسا هيتكلمو... 

قلتلهم تعالوا زي ما انتو انا جبت شقة جديدة... 

كلو برّق وقالوا ايه!!!! 

قلتلهم يلا اركبو العربية الي برا دي... 

الشقة كانت في مدينة نصر روحتلهم كله كان مبهور وكله بصلي... 

مراتي قالتلي:ازاي عرفت تجيب الشقة والعربية واي العفش ده جبت كل ده ازاي!!!! 

قلتلها ربك لما بيرزق هتعترضي ع رزق ربنا.. ناديت ع ورد قوليلو فرش الشقة فلوسو جهزت شوفو هتنزلوا تجيبو الفرش امتى.. 

بصتلي بصدمة وفرح في نفس الوقت وخدتها في حضني وقلتلها انا مليش غيركو... 

قالتلي: بس تكون فلوس حلال يا بو ورد... 

قولتلها: طبعا... طبعا ومتخافوش الفلوس ان شاء الله موجودة وبالزيادة... 

عدى اكتر من ٥ سنين الواد اتجوز والبت اتجوزت وخلفت كمان وعملتلهم فرح في اكبر قاعات البلد... 

في يوم وانا نايم سمعت صوت عيل بيضحك انا قولت البت جت وجابت ابنها المهم بتلفت اصحي مراتي ملقتهاش اساسا طلعت اسوف مين الي بيضحك لحد ما لاقيت منظر مقزز جدا. 

١٠ اطفال بالظبط قاعدين ع الترابيزة بياكلوا.. 

قاطعته وقلتله: وايه المرعب في كدا ياعم جمال.. 

مردش عليا وكمل: كانو لون جلدهم اخضر كإن جلدهم اتحلل عنيهم كانت بيضا تماما... 

كانو بياكلو جثة... دي جثة ابني... 

احشائه كلها خارجة برا بطنه والدود طالع من بطنه ودود طالع من عينه والاطفال بتاكل بنهم شديد لاقيت واحد من الاطفال دي سحب جزء من جتة ابني وقالي بصوت طفولي: اتفضل معايا يا عمو دي حتة صغيرة... 

كانت حتة لونها اخضر والدود عمال يجري ويلعب جواها وبعدين لاقيت الطفل قام واكل حتة منها وعمال يمضغها والدود عمال يتمضغ مشهد مقزز وانا في ثانية متمالكتش نفسي ورجعت... 

لاقيت الأطفال سابو الجثة الي في ايديهم وجم كلهم بدأو يشربو من القئ بتاعي!!! ومرة واحدة بصولي وصرخوا!!!! 

صحيت! 

ده كان كابوس بس ملقتش مراتي جمبي اتصلت عليها عرفت انها عند ورد لسا هقول سلميلي عليها وعلى جوزها لاقيت صوت ورد بنتي بتصرخ وبتقول طلقني!!!! جوزي طلقني!!!! ومرة واحدة الدنيا بدأت تسود في عيني بدأت اسمع صوت طفل بيقولي عمو اوعى تبص وراك؟!!!!!! 

لما بدأت انتبه لاقيت اني لسا في الشقة وباب الاوضة الي ورايا بيتفتح ببطء شديد بصيت ورايا لاقيت ان الاوضة مفهاش حاجة وضلمة ومن وسط الضلمة ظهرت فجاة عيون حمرا مشقوقة بالطول.... تعبان لونه اسود بدأ يظهر في وشي تعبان كبير جدا.. 

استعاذت بالله من الشيطان الرجيم... 

ولاقيت التعبان بيضحك!!! 

بيضحك بصوت كأنو جاي من الجحيم وقال:عجيب أمرك يا ابن آدمتسببت في الذنب وتتهمني انا وما انا بمذنب... 

قلتله:نعم انت الي خلتني اعمل كدا وحصل الي حصل انت الي وسوستلي... 

قال لي:ظهر الحق، انا لم افعل شيئا سوى الوسوسة وقمت بجعل الحرام حلالا في عينيك التنفيذ كله جاء. منك... انا لا اقوم بالمعصية إني اخاف الله رب العالمين... 

صحيت ع صوت مراتي وعيالي هما بيحاولوا يفوقوني... 

الي عرفتو ان الاتنين اتطلقوا وعيالهم الي هما احفادي ماتو... بعد بقا العزا وغيرو قعدنا مع بعض... 

قلتلهم حقكو عليا انا الغلطان... انا السبب؟؟ 

المدة الي كنت بغيب فيها كنت بووح اخطف عيل واخلي عيلته تدفع فدية كبيرة وبعد ما اخد الفلوس ادبح العيل وابيعه ع انه اعضاء بشرية عشان كدا الفلوس مكانتش بتخلص انا خطفت ودبحت ١٠ اطفال عملولي ثروة الي انتو عايشين من خيرها... 

مرة واحدة النور قطع وعمال اسمع صويت من عيالي ومراتي وبدأت اسمع زي صوت فرقعة.. واول ما النور جه كانو كانهم متفجرين عيالي ومراتي كانهم فضلوا يتنفخو لحد ما اتفجرو... 

وانا من ساعتها عمال اصلي وادعي وعمال اختم القرآن على روحهم وعمال استغفر ربنا انا عارف الي عملته مش هين بس بدعي ربنا يسامحني... 

بالحق يابني انت اسمك ايه... 

قلتلو: انا... انا الماهر....